u fruttu di l'amuri veni na stu munnu

addisiatu  du patri da matri e puru du nonnu

mangia crisci e dormi tuttu jornu

si fa beddu robustu e passau un annu

arasciu arasciu si fa patruni da parola

mancu tinnadduni che ura di iri a scola

u  maestru c'insigna a leggeri e a scriviri

u tempu senza pinzeri finisci ca scola elementare

sturiu travagghiu e primu amuri 

veni u tempu di iri a fari u militari

quannu a vita è tutta na speranza

si rici addiu a   bedda picciuttanza

ora chi si fici omo c'è tuttu d'asppitari

chiddu furtunatu trova u veru amuri   

cu fa soldi ricchizzi e propietà

ma sunnu cosi chi nun sempre dannu felicita'

cu travagghia tira avanti a famigghia 

cull'amuri di mugghieri figghio e figghia 

si  rici addio a tanti pirsuni cari

chi pi sempre arrestanu na lu cori

u primu niputi  s'affaccia na stu munnu

s'addiventa anzianu cu qualchi malannu

si va in pensione e chiu' nun si travagghia

si passa u tempu chi niputi vicinu a famigghia

cu arresta sulu e mezzu abbannunatu

chi so pinzeri di omu sfurtunatu

a vicchiaia vene comu na vulata

resta di fari l'ultimu pezzu di strata

picca cunta si fici soldi o fu un cumannanti

a morti un c'interessa nenti

beatu cu si sente a cuscenza  pulita

picchi' a DIO s'avi a dari cuntu da propia vita