|
|
|
|
All'ombra del Vesuvio
Salvatore Varriale rubrica a cura di Luciano Somma
|
|
|
MAMMA
Comme si vacchia, oi mà, comme si vecchia; he fatta ‘a capa janca, ‘e rrappe ‘n faccia; te tremano sti mane, e senza forza m’astrigne ammalappena ‘int’a sti braccia. Che ffa si muove stanche chisti passe E te strascine cu fatica e stiente; chesta malincunia ca nun me lassa, comme m’è doce s’i’ te tengo mente. Vedendo l’uocchie tuoie miez’appannate St’anema mia se sente dint’’o ffuoco. Madonna mia, mantiènele appicciate Sti llampetele ancora n’atu poco! Vurria sunnà na notte ca tenisse Tutt’’e capille nire e anella anella, comme a nu piccerillo m’addurmisse cantanno: “nonna-nonna nunnarella”. Ah! S’i’ putesse dì : “Fermate, tiempo; chist’è l’ammore mio, nun ‘o tuccà; quanno è fernuto ll’uoglio ‘int’a ‘sta lampa, io rest’oscuro, e che nce camp’a ffà?” Ah! S’i’ putesse dì: “Fermate, tiempo!”
SALVATORE VARRIALE
Da ‘O MASTO ‘E FORGIA La Floridiana Editrice- Napoli |
Salvatore VarrialeNacque nel 1991 Un poeta sensibilissimo, tra i volumi pubblicati: “ ‘O MASTO ‘E FORGIA” che si avvalse dell’autorevole prefazione di Umberto Galeota. Del Variale molto significativa la poesia che segue:
|
|
|
|
