PALCUSCENICO

Viche ‘e Tuleto, ‘e Chiaia, d’’e Tribunale,

d’’a Sanità, Furcella,

vuie ireve ‘o salotto annascunnuto

‘e Napule cchiù bella.

Schiarato juorno, ‘o suono ‘e nu pianino,

spanneva ‘e nnote ‘e ll’urdema canzona…

e ‘e prime venneture,

parevano attore ‘e triato

e ‘o vico, palcuscenico d’’a vita.

Cupione sempe allero ‘e vico antico

He avuto figlie cu nu core d’oro…

Comme te benedico!

E mo tutto è cagnato:

so’ triate sti viche

ca nun teneno asciuta…

E’ basta sultanto

Na ventecata forte…

E stu copione è adeventato ‘e morte.

SALVATORE GRIECO

Da E’ SEMPRE POESIA

Ed.GAZZETTA DI NAPOLI- 1995