Partecipiamo.it

All'ombra del Vesuvio

Salvatore Demata

rubrica a cura di Luciano Somma

FUNTANA ‘E CAPEMONTE

‘A Capemonte sta na funtanella

annascunnuta a n’angulo cuìeto,

ca mena n’acqua accussì fresculella

ca chi llà ‘a trova, scopre nu segreto.

Nu juorno, cammenanno sott’’o sole,

n’arzura m’abbruciava e po na fiacca;

ma na palomma culore d’’e vviole,

quase m’accumpagnaie vicino a st’acqua.

E fuie accussì ca m’accustaie a st’acqua,

e sazio me scustaie ‘a chest’acqua ‘nzista

che, a chi se more ‘e sete, essa risana.

Ma è strano; ‘sta funtana nun sta a vvista;

e, attuorno attuorno, stanno ‘e prate ‘n fiore;

‘a coppa, è sulitairo; e p’’a via nova,

nce passa ‘o trammo ‘e chi va a ffa ll’ammore!

SALVATORE DEMATA                  

Da ACENE D’ORO

Ed.La Floridiana- Napoli- 1956

Salvatore Demata

Poeta non molto conosciuto ma abbastanza attivo, poche le

Notizie che lo riguardano.

Nato nei primi del novecento, già negli anni 50 era presente in qualche antologia, fu anche editore musicale.

Dette alle stampe alcuni fascicoli di poesie napoletane autoproducendosi.