|
All'ombra del Vesuvio
Salvatore Del
Gaudio
|
|
|
…E SI……E si m’avesse a sperdere dint’a nu bosco sulitario e scuro cercanno ‘nmiez’a ll’albere ‘nu pusticiello addò na lenza ‘e sole me putarrìa scarfà, danno a ‘stu core nu pizzico ‘e calore… …e putesse sentì ‘na voce amica, ‘a voce d’’a natura ca parla sempe pe’ se fa capì senza farce paura… …e jenne ‘nnanze sicuro, pe’ nu sentiero stritto a malappena, scarpesasse pe’ terra ‘e ffoglie morte senza me dà pena speranno sulo ‘e sèntere parlà d’ammore e pace, maje cchiù ‘e guerra… nun me cercate pecchè me so’ cumpagne ‘e llacreme, ‘e dulure, ‘e sofferenze ‘e chesta Umanità ca cerca inutilmente sulo serenità comme io, cu ‘a fantasia cerco l’aiuto ca nun po’ manca: chillo d’’a puisia…
SALVATORE DEL GAUDIO
Da POETICA NAPOLETANA DEL NOVECENTO Ed.Ferraro- Napoli- 1987
|
Salvatore Del Gaudio
Nacque nel 1913. Funzionario delle assicurazioni. Poesia dignitosa e mai banale questa del Del Gaudio sul quale s’ignorano ulteriori notizie.
|
|
|
|
