|
|
|
|
All'ombra del Vesuvio
Renato Fiore rubrica a cura di Luciano Somma
|
|
|
PAESE MIO
Paese ca me vide frasturnato Nun me canusce? Nun m’he canusciuto? Io so’ nu figlio tuio che t’ha lassato; io ccà so’ nnato, ccà songo cresciuto.
E m’arricordo tutto: ‘e ccase, ‘a chiesa, ‘e strade sulitarie, ‘a piazza ‘e viche, ‘o mercatiello addò se va a fa ‘a spesa, ‘st’aria sincera, sti ffuntane antiche.
Tu, stranamente, si’ rimasto ‘o stesso ‘e chillo ca lassaje tant’anne fa; nun t’ha cagnato ‘a legge d’’o prugresso, nun t’ha sturduto l’eco d’’a città.
Ah! Si sapisse quanta vote e quanto Aggio parlato ‘e te cu’’a ggente ‘e fore Sempe cu’’a voce ‘ntenneruta ‘e chianto E ‘a nebbia ‘nnanze all’uocchie e dint’’o core.
T’aggio lassato, sì, t’aggio lassato Ma pe’ necessità d’’a vita mia E ‘a luntananza, ‘o ppane che m’ha dato, ll’aggio pavato cu’’a malincunia.
Malincunia ‘e campà matina e ssera Senza stu munno ca te ride attorno Malincunia ‘e sunnà ‘sta primavera Ca t’accarezza sempe, notte e gghiuorno…
No, nun te lasso cchiù, paese mio, nun tengo cchiù ‘o curaggio ‘e te lassà; tu tiene tutto chello ca vogl’io: giovane ancor tu me faje turnà.
Paese bello mio, addò so nnato; doppo tant’anne tu si sempe tu, invece a mme l’autunno m’ha pigliato: ‘o vvì, me manca ‘o meglio, ‘a Ggiuventù!!
RENATO FIORE
DA POESIA NAPOLETANA FINE NOVECENTO Ed.Ferraro- Napoli- 1987 |
Renato Fiore
Nato a Napoli nel 1923 morto nel 1985. Poeta ed autore di canzoni con all’attivo una bella produzione. Poche le notizie che lo riguardano in mio possesso, ma credo che possa evidenziare le sue grandi doti poetiche questa magnifica poesia: |
|
|
|
