|
|
|
|
All'ombra del Vesuvio RENATO BENEDETTO
rubrica a cura di Luciano Somma
|
|
|
‘O SANTO
Nu malatiello cu’’a faccella ianca, ‘na mamma triste ‘int’’a nu vascio scuro aspettano stasera nu duttore ca vene a visità stu criaturo.
Porta conforto, ‘na speranza ancora, stu miedeco che corre a tutte ll’ore, senza cumpenso, a ‘e ccase d’’o quartiere addò ce sta chi soffre o se ne more.
E’ ‘n’ommo cu’ ‘na faccia ‘e santariello E tanta luce dint’a ll’uocchie nire, che campa pe’ ffà bene a ‘e puverielle e se presta pe’ niente: nun vo’’e llire.
L’abbasta sulo ‘a benedizione D’’o genitore ca lle vasa ‘a mana… Tutt’’a ggente ‘o rispetta int’’a sezione, e quanno dint’’o scuro s’alluntana,
-pure ‘o suonno sacrifica pe’ lloro- passanno sott’a luce ‘e nu lampione, pare ca scenne ‘int’a nu raggio d’oro Giesù ca se l’abbraccia a stu puntone.
RENATO BENEDETTO
Da POETICA NAPOLETANA DI FINE NOVECENTO Ed.Ferraro- Napoli- 1987
|
RENATO BENEDETTO
Nato nel 1903 è morto nel 1986. E’ stato sottufficiale di P.S. Amante della poesia e della musica è tra i migliori poeti della sua generazione.
|
|
|
|
