|
|
|
|
All'ombra del Vesuvio
Paolo Fiorillo
|
|
|
Luntananza Sapisse comm’è triste sta parola; sapisse’a luntananza che vvò dì, vo’ dì ch’è primmavera senza sole, vo’ dì ca senza ‘e te se po’ murì.
T’avesse dì sultanto ‘o core mio Chello che soffre a sta luntano ‘a te, t’’o pozzo dì che soffro sultant’io vedendo ll’ombra toia attuorno a mme.
Me sento sulo ‘n miez’a tanta gente. Me guardo ‘o vraccio addò astrignevo a tte: Me fermo, e canto zitto: “Eternamente!” Comme cantave tu, astrignuta a mme.
Ma è nu minuto, e tutta ‘st’alleria, stu suonno d’oro m’ha lassato già… E torna n’ata vota ‘a nustalgia; more nu suonno, e nasce na realtà.
PAOLO FIORILLO
Da ACENE D’ORO Ed. LA FLORIDIANA- NAPOLI- 1956 |
Paolo Fiorillo
Nato a Napoli il 27 Settembre 1916. Dipendente Comunale, verseggiatore e canzoniere. Molta sensibilità nelle sue poesie. Si iscrisse alla SIAE nel 1942. Scarsa la produzione poetica, un solo volumetto risulta pubblicato, mentre discreta quella nel campo della canzone, tra i collaboratori musicali Rossetti e Ciaravolo.
|
|
|
|
