|
All'ombra del Vesuvio
Nando Clemente
|
|
CUNOSCO 'NA MAMMAE’ troppo piccerrella pe’ l’Asilo Addò tutt’’e matine ‘a strascenate… E’ nu murzillo, è pallide, è suttile; vo’ venì ‘mbraccia e vuie nun v’’a pigliate.
Cu ‘e mmatenate fredde ‘e ‘sta vernata Avessa ‘a sta’ ‘int’’a connola a chest’ora. ‘A sotto ‘o sciato vuosto v’’a levate quanno tre anne nun ‘e ttene ancora!…
‘E nnove trase, e gghiesce ‘e quatto ‘o juorno: sette ore senza ‘a mamma, ce penzate? Una n’avite…e v’’a levate ‘a tuorno?… (vuie ca pe’ grazie ‘e Dio nun faticate!…)
Ma nun penzate maie si- arrassusia – Dio nun v’avesse dato ‘sta criatura? ‘A vita vosta ‘e sposa che sarrìa?! Jurnate tutt’eguale: fredde e scure.
Ah, si na figliarella j’ avesse avuto M’’a tenarrìe vicina ore e mumente!… Ma ch’aggio ‘a dì si Dio accussì ha vuluto? <Ave ‘e biscotte chi nun tène ‘e diente!!!>
Vuie mo diciate: “E’ mmiria, è gelusia! E’ pecchè figlie nun ne tiene tu…” No! Penzo ch’a cunfronte a mamma mia Sti mamme ‘e ogge nun so’ mamme cchiù!
|
Nando ClementeNacque nel 1921, svolse l’attività di decoratore. Dagli anni 70 fece parte attiva della cultura partenopea e con Gennaro Autoriello condusse alcuni programma radiofonici di poesia e televisivi nei quali spesso sono stato ospite. Morì nei primi anni del 90
|
|
|
|
