|
|
|
|
All'ombra del Vesuvio
Michele Pesole rubrica a cura di Luciano Somma
|
|
|
VICINO ‘A CROCEGiesù. Tu ca saie tutt’’o strazio mio, comme te ne può sta ‘ncopp’a sta Croce? E’ overo, troppo ‘nfame so’ stat’io… Ma famme ‘a carità, siente ‘sta voce… Prutiegge a mamma mia falla sta bona; e nun lle fa mancà pace e salute… Dimme ca ‘o core Tuio nun ll’abbandona; ca nun ‘a lassaraje senza n’aiute! A te na grazia nun te costa niente; Tu può sanà qualunque malatia… Stienne sti braccia toie ca so’ pputente; e strignatella ‘n pietto a mamma mia! Tu saie p’’e figlie ‘a mamma comm’è cara, pecchè si stato figlio pure Tu… Damme na spina toia, chella cchiù amara; basta ca mamma mia nun soffre cchiù!
MICHELE PESOLE
Da ACENE D’ORO Ed.La Floridiana- Napoli- Dicembre 1956 |
Michele PesoleLa perdita d’un figlioletto in tenera età gli ispirò un volumetto di poesie. “IL PIANTO ARMONIOSO” Non si sa la data precisa di nascita che si può collocare intorno al 1910. Schiacciato da un’umiltà ed una modestia proverbiali condusse una vita da talpa. Fu insignito di medaglia d’oro per la poesia nel 1947.
|
|
|
|
