|
|
|
|
All'ombra del Vesuvio Michele Bichelli
rubrica a cura di Luciano Somma
|
|
|
Suonne
Suonne, ca comme a sti ppalomme site, e comm’a sti ppalomme ve pusate ncopp’a sti sciure apierte e spampanate, i’ ve vurria afferrà; ma vuie fuite…
Quanno manco i’ m’aspetto, cumparite, e, attorno a mme, vulanno, pazziate; ma si na mano stenno, ve ne jate, e ‘int’a nu sciore po v’annascunnite.
Ma site dispettose, e già ‘o ssapite… Ciento vote a tentarme vuie turnate; e ciento vote ancora scomparite.
Ma si v’agguanto, po ve sfarenate ‘n miez’a sti ddete, e tutto vuie perdite… Vuie site belle sulo si vulate!
MICHELE BICHELLI
Da ACENE D’ORO Ed.LA FLORIDIANA-NAPOLI Dicembre 1956 |
Michele Bichelli
Non ho accenni anagrafici di questo poeta, so che nativo di Ischia dal 1930 ha risieduto a Verona. Riporto dai cenni biografici questa frase: “Bichelli traduce attraverso la semplicità e la vivezza delle sue poesie napoletane tutto il sentire del suo cuore esiliato.
|
|
|
|
