|
|
|
|
All'ombra del Vesuvio
Mario Salerno rubrica a cura di Luciano Somma
|
|
AUTUNNOMamma, stanotte, e che t’ha fatto ‘o viento! Pareva ‘o terramoto ‘n faccia ‘e llastre! E sentive ‘a luntano Comme ‘nu chianto e tanta tanta gente, nu chianto disperato, che, quanno se calmava, chiano chiano, pareva nu lamiento ‘e ggente che suffreva, rassignata… Ca tu dicive: “E’ ‘o viento?” E chille erano ll’albere Ca ‘e furia ‘o viento le sceppava ‘e ffronne Che ancora nun vulevano murì!... Invece, stammatina, vì che tappeto fanno pe sti strade! E nun saccio pecchè me stongo accorto E a stiento ce cammino ‘n miezo a sti ffronne morte… Ma chi ‘e scàrpesa, e passa indifferente, certo nun ha sentito chello che dint’’a notte ha fatto ‘o viento! Ma io me so’ scetato ‘a dint’’o suonno E nun ce aggio durmuto!...
MARIO SALERNO
ACENE D’ORO Ed.La Floridana- Napoli-1956 |
Mario Salerno
Nacque a Napoli nel 1898. Poeta serio e preparato, preciso nella metrica in versi ricchi e scorrevoli. Tra i suoi libri: “CORE E FANTASIA”, più volte premiato. |
|
|
|
