|
|
|
|
All'ombra del Vesuvio
Maria Teresa Di
Genova
|
|
Pietà
Lassatece campà nun v’arraggiate, uommene senza fede e senza core! Trasite ‘int’a ‘na chiesia e arraggiunate ‘na vota faccia a ffaccia cu’’o signore.
Trasite quanno ‘a Chiesia è sulitaria, chiano, ‘nzilenzio, senza suspirà, forse putite sèntere pe’ ll’aria ‘na Voce nova ca ve po’ scetà.
Certo ve scetarrà pecchè dormite ‘a sempe dint’’e vvracce d’’e peccate, si nun ve pesa ‘o mmale ca facite, si niente so’ sti llacreme sceppàte.
E si ll’uocchie ve luceno, penzate Ch’ancora se po’ chiagnere d’Ammore; e si cadite ‘nterra addenucchiate è stata ‘a Grazia, ‘a Grazia d’’o signore.
Maria Teresa Di Genova
Da POETICA NAPOLETANA FINE NOVCENTO Ed.Ferraro- 1987 |
Maria Teresa Di Genova
Nato a Napoli il 1924 morta nel 2007 sensibilissima autrice di grande spessore, poche le notizie bibliografiche che la riguardano.
|
|
|
|
