|
|
|
|
All'ombra del Vesuvio
Luigi
Esposito rubrica a cura di Luciano Somma
|
|
|
Torre Normanna
‘Sta torre Normanna, llà, ‘ncopp’a scugliera è ‘o meglio balcone d’Amalfi ca ‘e sera ce fa vedè ‘o mare ca, frisco se stenne… C’’o Sole a ppunente Se va a repusà?
‘Na brezza liggera chell’acqua accarezza, ‘a ‘ncrespa e s’’a porta, ‘mbriaca ‘e priezza, luntano, a Maiori addò ciente culure ‘a storia ‘e na vota ce fanno scurdà.
Ma ‘a Torre, annascusa Tra ll’albere antiche, ricorda- e nisciuno s’’a porta pe’ viche pecchè vede ancora battaglie e arrembagge si pure se sente n’orchestra ‘e sunà.
Ma ‘e juorno, c’’o sole Che splenne d’’o cielo, so’ cciente ‘e ffigiole ca, senza nu velo, vestute ‘e su suspire, s’abbruciano…e ‘a Torre sturduta d’ammore se mette a cantà.
Luigi Esposito
Da POETICA NAPOLETANA FINE NOVECENTO Ed.Ferraro- Napoli- 1987
|
Luigi Esposito
Nato a Napoli nel 1923. Ex capo divisione del Comune di Napoli. Ottimo poeta, nonostante le ricerche ho trovato poche notizie che lo riguardano. Molto ritmica ed interessante la poesia che segue: |
|
|
|
