|
|
|
|
All'ombra del Vesuvio
Luigi Della
Corte
|
|
|
E’ REALTA’
Si me guardave cu chist’uocchie nire, io me sentivo tutto ‘e cunzulà. Ma da luntano, lacreme e suspire, doppo nu poco, me facile jttà…
E si cantave- spisso t’aggio ntiso – ‘sta voce toja che sapeve fa! I’ jevo p’’o dderitto ‘n Paraviso Pe nu mumento…che felicità!
Mo stànnote vicino, ch’allegria! Tremmanne tutt’’e dduie, doppo, tu, penzanno ca si tutta quanta mia, me cade n’ braccia, e nun raggiune cchiù!
Na vota me dicive: “Fusse pazzo? N’abbraccio? Chist’è suonno, è visione…!” Mo dice: “Quant’è doce ‘sta passione! Tièneme n’ato poco stretta a tte!”
‘A vicinanza quanto t’ha cagnata; ‘sta vota t’ha pigliata ‘o vero amore; mo stammo, notte e ghiuorno, core a core… Quà suonno. Quà visione…E’ realtà!
LUIGI DELLA CORTE
Da ACENE D’ORO Ed.La Floridana- Napoli- 1956 |
Luigi Della Corte
Più che come poeta è noto come autore di canzonette, prevalentemente comiche, ebbe come padrini d’arte Ferdinando Russo ed il Maestro Emanuele Nutile. Poco nota la sua produzione poetica come i dati biografici.
|
|
|
|
