|
|
|
|
All'ombra del Vesuvio
Lilly Reale rubrica a cura di Luciano Somma
|
|
|
‘O SEGRETO…Nun voglia Dio ca fràtemo ‘o ‘mpicciuso Sapeva ‘a storia vera ‘e Mariarosa, nce vulevano ciente e cchiù cammise ‘e forza…e ’e catenelle dint’’o naso! Povera sora mia, povera Rosa, ca nun se cunfessava ’a sette mise, a ‘a sette mise cchiù nun ghieva a’ Cchiesa. E maje ‘o ssapette, fràtemo ‘o ‘mpicciuso Ca nun mettev’’o pede ‘a for’’a casa… Manco a San Ciro ascette p’’o paese!... Che t’è succieso, Dì! Che t’è succieso? Ca chesta vocca comme a na cerasa Nun sape cchiù che d’è nu pizzo a rriso? Nun rispunneva…E sempe cchiù scuntrosa S’allargava nu cammese suio freso E ‘a biancaria cu’’o vestito ‘e sposa ‘stipaje dint’’occasione, a cchiave nchiuso. …E maje ‘o ssapette fràteme ‘o ‘mpicciuso! Doppo nun poco- nun passaie nu mese- Povera sora mia, povera Rosa, cu na vranca ‘e putassa essa s’è accisa! E comm’’o spuorco l’he a lavà ‘int’’a casa, areppezzaje stu fatto a ffuria ‘e scuse; e ‘mpruvvisanno cose ncopp’a ccose, niente sapette fràtemo ‘o ‘mpicciuso!
LILLY REALE
Da ACENE D’ORO Ed.La Floridana- Napoli- 1956 |
Lilly Reale
Un poeta indubbiamente molto eccentrico e caratteristico. Nacque a Napoli il 17 Novembre 1897(vero nome Pasquale Reale)e si laureò nel 1924 in medicina legale. Vastissima la sua produzione letteraria che iniziò nel 1920 col libro FANTASIA E FANTASIE Prefazionato da Rambaldo il grande Rocco Galdieri |
|
|
|
