|
|
|
|
All'ombra del Vesuvio
Ino Fragna
|
|
|
‘E VIECCHIE ‘E viecchie cu’ na goccia dint’’all’uocchie ca nun sape manch’essa che adda fa forse è na lacrema, catarro, o’ ppoco ‘e viento però si guarde ‘a vide sempe là.
‘E viecchie, piante chiate d’’o viento d’’a vernata cercano inutilmente ‘e s’aizà, ‘o sole ‘e scarfa ma nun le da luce pecchè nun teneno ‘a forza d’’o guardà.
‘E viecchie, tu vai ‘e pressa, nun te ne accuorge parleno chiano, cu nu filo ‘e voce ma si te firme si le dai audienza t’’a siente ‘e dì na parulella doce.
‘E viecchie ca so’ comme ‘e criature basta nu niente pe’ murtificà però so meno nziste e facilmente cu na carezza se fanno accuietà.
‘E viecchie ca te mpicceno ‘e stagione e nun sai manco a chi nce l’he ‘a lassà e lloro ‘o sanno ma se stanno zitte pecchè nun le piace ‘e rinfaccià.
‘E viecchie ca nun teneno culore ca songo comm’a ll’albere sfrunnate senza rumore ‘e percia ‘o sole e l’acqua, senza ricordo pe chello ca so state.
‘E viecchie cu na goccia dint’all’uocchie ca nun sape manch’essa che ha da fà nun è catarro, nun è ‘o poco ‘e viento è lacrema e ‘a trattene ‘a dignità
INO FRAGNA
Da E’ SEMPRE POESIA Editrice GAZZETTA DI NAPOLI 1995 |
Ino Fragna Uno dei più interessanti della nuova generazione, un libro all’attivo dal titolo: “ADDO’ FERNESCE ‘O MARE. Significativa questa sua bellissima poesia:
|
|
|
|
