|
|
|
|
All'ombra del Vesuvio
Guido De Martino
|
|
|
L’ALBA ‘E POSITANO
Mentre l’urdema stella scumpare E na luce già vene ‘a luntano, voce ‘o cielo ca lento se schiara, sento ‘o suono d’’a primma campana.
Sponta ‘o sole d’areto ‘a montagna, saglie, e l’ombra d’’a notte se sperde: ‘o culore d’’e cose se cagna!… Quanti sciure pe’ dinto a stu verde:
Songo glìcene, mammuole, rose, so’ cresciute cu’ l’acqua marina, rampicante pe’ mmure d’’e ccase azzeccate a’’a muntagna; e vicino,
accummencia ‘na musica ‘o mare ca se mmesca cu’’o canto ‘e ll’aucielle, Penzo ‘e ccose d’’a vita cchiù care… e ‘a ccà, ‘o munno me pare cchiù bello.
Guido De Martino
Da: E’ SEMPRE POESIA EDITRICE GAZZETTA DI NAPOLI Dicembre 1995 |
Guido De Martino
Nato a Napoli il 13 Luglio 1932 già dipendente dell’amministrazione Comunale di Napoli. Ha pubblicato ‘O LIBRO ‘E POESIE per l’edizioni U.N.A. nel 1990 Autore anche di testi per canzoni con musiche di Alfieri, Baselice, Marciano.
|
|
|
|
