|
|
|
|
All'ombra del Vesuvio
Giuseppe Scalese rubrica a cura di Luciano Somma
|
|
|
MME PIACIVE ACCUSSI’!
Mme piacive accussì… Chilli capille tuie tutte ‘mbrugliate E chella faccia, chella faccia ‘e mpesa! Vestive, allora, tutta scumbinata, ‘na màneca sagliuta, n’ata scesa… Te piaceva ‘e maestrià dint’a cucina. Ne spremmive cunserv’e pummarola… Spennave pullastielle ogne matina… Addurav’e cafè, vasenicola. Me piacive accussì e tte spusaie! Si diventata ‘na signora a mmodo; dint’a cucina niente cchiù ce faie, tiene ‘a pelliccia e ll’abito cu’’a coda, Mmò vene ‘a sarta, Vaie addò parrucchiere… Tiene che fa…Po studie ‘a storia ‘e ll’Arte, te faie ‘o ramino quase tutt’’e sere. Io te guardo cuntente, ma in disparte… Ce godo ‘e te vedè bella e felice, ce godo ‘e te sapè ricca, elegante, ma quanta vote ‘o core mio mme dice ca nun mme piace cchiù, nemmeno tanto!
Mme piacive accussì Chili capille tuie tutte ‘mbrugliate E chella faccia, chella faccia ‘e ‘mpesa! Quanno vestive tutta scombinata, ‘na màneca sagliuta, n’ata scesa…
GIUSEPPE SCALESE
Da E’ SEMPRE POESIA Editrice GAZZETTA DI NAPOLI- 1995 |
Giuseppe Scalese
Nato a Napoli il 4 Febbraio 1912. Poeta, scrittore, giornalista iniziò la sua attività nel lontano 1930. Moltissimi i premi vinti. Autore di teatro e di riviste, all’attivo alcuni libri di poesie. Favorevolissima la critica che si è copiosamente interessata delle sue opere. Molto significativa la poesia che ho scelto: |
|
|
|
