|
|
|
|
All'ombra del Vesuvio
Giuseppe
Esposito
|
|
|
‘O CUNTO D’’A NONNA
Parlame ancora ‘e lupe e pecurelle Mo ca nu criaturiello nun so’ chiù, cuntame d’’o triato ‘e guarattelle, comme facive tantu tiempo fa.
…E nce steva na vota na nennella, cu ll’uocchie chiare e cu’’e capille d’oro, ca ogge è addeventata vicchiarella e aspetta ‘a morte pe s’arrepusà.
Cu essa ‘a vita fuie nu poco ‘ngrata… Che sacrificie! Quanta sofferenze! Ma quann’ ascette ‘o sole ‘int’’a vernata: partette ‘o figlio suoio pe nun turnà!
…E conta, conta ancora e nun se stanca… Corre cu ‘o pensiero ‘a nunnarella, pare turnata d’oro ‘a capa janca, comm’a na nenna ‘e tantu tiempo fa.
GIUSEPPE ESPOSITO
Da E’ SEMPRE POESIA Ed. GAZZETTA DI NAPOLI Dicembre 1995 |
Giuseppe Esposito
Nato a Napoli nel 1954. E’ uno dei poeti più giovani de ALL’OMBRA DEL VESUVIO. La sua ”militanza” nel mondo della poesia dialettale risale a quando aveva da poco smesso di indossare i pantaloncini corti. Studiò i poeti dell’epoca e fu molto legato artisticamente al poeta Gennaro Ottavo. Profonda la sua conoscenza della canzone classica napoletana. Notevolissime le sue poesie sempre con tematiche interessanti e mai banali.
|
|
|
|
