|
|
|
|
All'ombra del Vesuvio
Giovanni
De Caro rubrica a cura di Luciano Somma
|
|
|
‘A PIGNASECCA
‘A pignasecca è ‘a strata addò se venne tutto chello che serve pe’ mangià. ‘A gente vene, guarda, addora, spenne, e porta a’ casa merce ‘e qualità. Ciento chiacchiere e ciento pisciavinele; volla ‘a cauràra d’’o carnacuttaro; siente ‘a stesa d’’e spiche e d’’e tunninele; pare d’oro ‘a puteca ‘e l’ugliararo. Comme adora ‘a frittura ‘e Fiorenzano! So’ zeppulelle, tittele e sciurille. Na femmena s’accosta, stenne ‘a mano: “Date duje panzarotte a ‘e piccerille!” Quanno ‘a cantina ingegna ‘a frasca nova, va c’’o peretto attorno ‘o pazzariello. ‘O mellunaro allocca: “’O vuò ca prova? Si esce janco, ‘o dammo a ‘o ciucciariello!” E’ ‘a strata ‘e l’abbundanza…benedico! Chisto è ‘o vero quartiere d’’a cuccagna; e, comme dice nu poeta antico, “pare l’urdenmo juorno ca se magna!
GIOVANNI DE CARO
Da ACENE D’ORO Ed. la Floridiana- Napoli 1956
|
Giovanni De Caro
Poeta di grande caratura, nato a Napoli e morto ultranovantenne. Conobbi De caro tramite il poeta Roberto Di Roberto e con loro ho pubblicato 2 trittici di poesie napoletane. Autore di pregevoli opere tra le quali PLANETARIO NAPOLETANO trasmesso dalla RAI. Numerose le raccolte poetiche, le prefazioni, le recensioni, i saggi. Indubbiamente uno dei poeti più significativi del secolo scorso. |
|
|
|
