Partecipiamo.it

All'ombra del Vesuvio

Giovanni Croce

rubrica a cura di Luciano Somma

ITALIA MIA

Te cunuscette all’epoca d’’a scola

Tra ‘o ppoco ‘e storia e ‘o ppoco ‘e geografia;

te cunuscette allora Italia mia

e che passione fui chesta parola!

Quanno lassaie ‘a scola dint’’o core

Me se stampai sta fotografia,

e ‘o sentimento pe’ sta vita mia

cchiù forte è stata ca si fosse amore.

E me n’addono mo ch’è addeventata

Nu paese distrutto, ‘na babbele,

pe’ cierta ggente che l’ha maltrattata.

E teng’’o sdegno mpietto e mmocca ‘o fele

Pecchè te veco sola e abbandunata;

Italia, nommo doce comm’’o mmele,

chi t’ha traduta, chi t’ha stravesata?

Giovanni Croce

Nato a Napoli nell’Ottobre 1945 sin dalle elementari ha avuto la passione di trascrivere su carta il mondo che lo circonda.