|
|
|
|
All'ombra del Vesuvio Giovanni Aliperti
rubrica a cura di Luciano Somma
|
|
|
VIDE NAPULE E PO’ MUORE…
Vide Napule e po’ muore… Furastiè, ricordatello: nu paese accussì bello ncopp’’a terra nun ce sta! Quanno è l’ora d’’o tramonto Si t’affacce a san Martino, te ‘mbriache senza vino, nun sai dì si è suonno o no… Si ‘a llà coppa, cuoncio cuoncio, te ne scinne pe’ via Tasso, nu suspiro p’ogni passo t’esce all’anema, a guardà! Te ne saglie a Villanova; te ne scinne a Maruchiaro… Addò vaie, tu vide ‘o mare, ‘e ciardine attuorno a tte! Vide Capri ca sfezzèa Cu Pusilleco e Surriento; cchiù llà Ischia, ‘n sentimento, guarda Proceda che ffa… Chisto è Napule, e tu ‘o ssaie; c’è bisogno ca te dico qual è ‘a strata, qual è ‘o vico, p’’o Vesuvio addò se va? Tu cunusce, passo passo, tutt’’e site ‘e stu Paese. Si d’America, o si’ ‘ngrese, nun te spierde a cammenà!
Giovanni Aliperti
Da ACENE D’ORO ed. LA FLORIDIANA 1956
|
Giovanni Aliperti
Nato a Napoli il 6 Marzo 1891 ha sparso per anni le sue numerose poesie dialettali su giornali locali. Oltre che prosatore è stato autore di teatro e canzoniere. Dette alle stampe un solo volumetto di poesie dal titolo: “”’O Parere ‘e Pagliuchella” una spassosa disanima dei problemi che assillavano il dopoguerra. Fu uno dei primi e fervidi animatori dell’ ”Agape dei Poeti napoletani. Già nel 1956 fu colpito da una gravissima malattia che lo tenne immobilizzato fino alla morte.
|
|
|
|
