|
|
|
|
All'ombra del Vesuvio
Ermanno Comite rubrica a cura di Luciano Somma
|
|
|
ARRAVUGLIARSE
Comm’è sfeziuso, ‘e vvote, durmì ‘ncopp’’a nu lato, arravugliarse comme nu gliummariello ‘e lana, tirà ‘e ddenocchie ‘ncoppa, ‘nfin’a che cchiù se ponno; ‘na mana sott’’a faccia e n’ata attorno all’uocchie pe’ nun vedè cchiù niente, manco nu filo ‘e luce, manco ‘a luce ca trase dint’all’uocchie ‘nzerrate…
Scurdarse ca uno esiste, scurdarse ca uno è nnato e penzà sulamente a chi tu maie t’’a scuorde, …ca ne sì ‘nnammurato!
Arravugliarse sott’a na coperta, nu vraccio astritto attorno a ll’atu vraccio… sentì ‘a carezza d’o cuscino ‘nfaccia e a ll’atu lato nu lenzuolo ‘e lino ch’addora, comme fosse nu respiro ‘e chi te suonne d’’a tenè ‘int’’e braccia.
Arravugliarse e nun scetarse cchiù Penzanno…a ‘o suonno ca si’ stata tu!
Ermanno Comite
Da POETICA NAPOLETANA DI FINE NOVECENTO Ed.Ferraro- Napoli |
Ermanno Comite Avvocato nato nel 1901 morto nel 1985. Anche di questo poeta non vi sono molte notizie biografiche, è comunque molto interessante leggere la produzione pubblicata, qua e là, in varie antologie.
|
|
|
|
