|
|
|
|
All'ombra del Vesuvio
Enzo
Zazzaro rubrica a cura di Luciano Somma
|
|
DIMMELLO PURE TU
Sulo chist’uocchie a mandurla, oneste, buone, amice, senza parlà me diceno ca me vuò tantu bbene, e si’ felice; felice comme so’ sti labbra astàtiche, ch’io tagliarria ‘a sta faccia quanno me vase, palleta, cadennome, cuntenta, ‘int’a sti braccia. Ma tu, però, nun spuoglie nu pensiero, pe dirme ‘ammore tuio quant’è sincero. Sapisse quantu bbene Po ddà ‘o core; dint’’o silenzio, na parola è ammore! Ogni suspiro È na felicità E ‘o giro ‘e nu minuto Ca s’è vestuto Cu ll’eternità! Dimmelo pure tu: “Te voglio bbene!” Dimme ca pienze sempe, sulo a mme. Mentre ‘e vvocche se cercano, smaniose ‘e se vasà, ‘e mmane cchiù s’astregneno Dint’’a ll’oscurità, ‘ncatename cu tte Famme sunnà! Quanto si bella! S’ànema, attuorno a tte, ogne cosa. Ll’aria ‘n mocca, è nu balzamo. ‘O mare ‘argiento, sonna e s’arreposa. Sièntele sti silenzie: pare ‘mplorano, cu ll’uoccie ‘e mille stelle ca mo a chist’incantesimo surtanto ‘o sciato tuio lle po ddà ‘e scelle. He maie penzato a ‘o ddoce ‘e na parola, ch’arriva ‘nfunn’a ll’ànema e ‘a cunzola?
ENZO ZAZZARO
Da ACENE D’ORO Ed.La Floridiana- Napoli 1956 |
Enzo Zazzaro
Nato a Napoli il 19 Aprile 1934. Ha iniziato giovanissimo a scrivere poesie e testi per teatro. Autore di canzoni. Non ho molte notizie che gli riguardano però la sua poetica è pregnante ed interessantissima. |
|
|
|
