NA CAMPAGNATA

Na tavulella a circulo,

nu mesaliello ‘e neve…

Ceràse, attuorno, e nèspule

Ch’addorano d’està.

Essa: cu ll’uocchie lucede,

cu na vucchella ‘e rosa,

nu cappellaccio eccentrico,

na vesta ‘e taffettà.

Assapuranno ll’ostriche,

strignute affianco affianco;

ll’auciello culor cènnere

cantano comme a cchè…

E comme, comme cantano

Vulanno alleramente!

Cinche, se’, sette mièrule

Nun fanno che cantà.

‘E ssiente, tu?…nce diceno:

 “jammo, venuta è llora!

Vocca cu vocca, amàteve,

nun v’’o facite dì…”

Na tavulella a circulo…

Na piccerella allera…

Amore, vase, mierule…

Che vaie truvanno cchiù?

Emilio Gatti (Elio)

Da ACENE D’ORO

Ed. La Floridana

Napoli - 1956

Emilio Gatti (Elio)

Nato il 1 Gennaio 1900 e morto il 13 settembre 1956 ad appena 56 anni.

Vastissima la sua produzione letteraria, come varia è stata la collaborazione con varie case editrici musicali.

Molte le opere pubblicate, negli ultimi tempi condirigeva il redivivo e glorioso “MONSIGNOR PERRELLI” di Pasquale Caiazzo.

Semplice ma efficace la poesia che segue: