|
|
|
|
All'ombra del Vesuvio
Eduardo De Biase
|
|
|
CATENA AMARA
‘Nna vota mme giurave tantu bene e spartevemo ‘nzieme gioie e ppene, tu avisse dato ‘o sango ‘a dint’’e vvene cuntenta ‘e chist’ammore, comm’a mme!
Mo chist’ammore tujo se ne sta jenno, e tutte ‘e giuramenti staje scurdanne, te veco indifferente e cchiù me danno, me danno pecchè voglio bbene a te!
Chesta catena ca primmo era doce S’è fatta amara e m’ha ‘nchiuvato ‘ncroce E chest’anema mia ha perzo ‘a pace Vedenneme ‘e suffrì, tu saje pecchè!
Pe’ ‘stu turmiento amaro ca mm’he dato Pure se penzo ‘o bbene ca c’è stato, facente finta ca mme so’ scucciato, te caccio e te vulesse ‘nbraccio a mme!
EDUARDO DE BIASE
Da PASSIANNO PE’ LL’ INFERNO Edizioni 2000- 1994
|
Eduardo De Biase
Nato a Napoli il 30 Dicembre del 1937. Amante della natura ha un animo molto sensibile. Ha pubblicato alcuni libri di poesie napoletane, molto interessante la sua poetica.
|
|
|
|
