|
|
|
|
All'ombra del Vesuvio
Arturo
Trusiano rubrica a cura di Luciano Somma
|
|
SCONTRO FERROVIARIO
E’ mezzanotte, io sto fore o’ balcone E annanze a st’uocchie passa nu scenario: pare ‘e vedè stu core mio guaglione comm’a nu treno ‘ncopp’a nu binario.
Appena àve ‘o signale d’’a partenza, se ‘nfila pe’ ‘na via tutta fiorita, ‘e scesa, liscia, senza coincidenza Addò sta scritta: “Strada della vita” .
E corre…corre…sott’o sole e ‘a luna Corre cu ll’uocchie chiuse e cu ‘a certezza Ca passa presto ‘a valle d’’a “fortuna” Pe’ se fermà o’ paese d’’a “ Ricchezza” .
Ma, mentre arriva, st’imbecille ‘e core, p’’a pressa fa nu scontro ferroviario: investe in pieno ‘o treno “Primmo amore” e resta scunquassato int’’o binario.
ARTURO TRUSIANO
Da POETICA NAPOLETANA FINE NOVECENTO Ed.Ferraro Napoli 1987 |
Arturo Trusiano
Nato a Napoli nel 1887 Morto nel 1953 Fu impiegato PP.TT Poeta molto attento ed interessante. La poesia che segue è attinente a quella che fu la sua attività lavorativa: |
|
|
|
