Partecipiamo.it

All'ombra del Vesuvio

Armando Ferraro

rubrica a cura di Luciano Somma

L’ACQUASANTA

Estate, l’aria ‘nfoca tutt’’e ccase;

‘a ggente s’arrecrèa a piglià ‘o sole,

a mmare ‘a giuventù fa ‘o jesce e trase,

sulo ‘a vicchiaia s’’a fa ‘int’’e bagnarole…

P’’o cauro cchiù se suda ‘mpont’’e nase;

‘e femmene vulessero sta’ sole:

mo nun è tiempo ‘e avè pizzeche e vvase

comme succede all’epoca d’’e scole…

‘Na nenna, sbuttunata p’’a calura,

‘nfonne ‘int’a ll’acquasanta, pe’ ntramente,

‘na mano, e se cunzola p’’a frescura…

Nu prèvete, vedendo sta ‘nnucente,

suspira: - Te si mmisa quase annura

pe’ ‘nfonnere ddoje dete solamente?

ARMANDO FERRARO

Da POETICA NAPOLETANA FINE NOVECENTO

Ed.Ferraro- Napoli- 1987

Armando Ferraro

Nato a Napoli nel 1926, deceduto da qualche anno.

Farmacista e pubblicista ha scritto tantissime belle poesie umoristiche e satiriche collaborando a vari periodici specializzati.

Un persona molto solare sempre con la battuta pronta ed in possesso d’una  grande verve.