|
|
|
|
All'ombra del Vesuvio
Antonio Palmieri rubrica a cura di Luciano Somma
|
|
ANEMA MIA
…E che smanie a ffa accussì forte? Che te lusinghe a ffa, si chesta è ‘a vita? Nuje simme, ‘o bbi ? - duje condannate a mmorte Da st’esistenza a ttuorto preferita. Nu suonno…na speranza…na passione… Tutt’’e risorse che dà ‘a gioventù All’età nostra ce sta cchiù ‘a ragione Pe sti lusinghe a turmentarce cchiù? Che simme stato? Chello ca mo simme: ‘o spassatiempo ‘e st’esistenza atroce. Sunnà, suffrì e…quanto cchiù putimmo Devotamente strascenà ‘sta croce… Si so’ nu ‘nfamo e tu na malamente? Chesta cundanna s’è scuntata già! ‘Nnucentamente, si, crudelamente… Eh…ch’ato inferno ancora ce po sta? Zitto, nu suspirà accussì forte Mo ca ‘sta vita cchiù nun ce ‘ncatena. Nuje simme - ‘o bbì? – Duje condannate a mmorte Ca priesto o tarde hanna scuntà sta pena. Che simmo state? Nu tenace ammore Ca troppe soffre e troppo vo’ gudè. Ah, comm’è bello a dì: “Tengo nu core!” Pe chi nu core nun vurria tenè!
ANTONIO PALMIERI
Da ACENE D’ORO Ed.La Floridiana- Napoli- Dicembre 1956 |
Antonio PalmieriNacque nel 1899 a Napoli e cominciò a scrivere poesie nel 1931. Il suo dialetto è ricercato, non facilmente imitabile, notevolissima la sua produzione sia edita che inedita. Il linguaggio appare da subito molto originale e di grande caratura. |
|
|
|
