|
|
|
|
All'ombra del Vesuvio
Antonio Del Deo
|
|
|
Ma comm’è bella chesta penna mia, cchiù ‘a tengo mente e cchiù me n’annammoro: na penna ‘e marca c’’o pennino d’oro e cu dudece mise ‘e garanzia.
E comme scorre facile ‘a scrittura! Cu chesta penna nun me stanco ‘a mano Nemmeno mo ca me so’ fatto anziano E ‘o scrivere me pesa addirittura.
No p’avantà, pe’ me è ‘a cchiù bella ‘e tutte, è pecchesto ch’’a tratto cu rispetto, peccato ca po’ tène nu difetto: si scrive verze ‘e scrive proprio brutte.
Comm’è succieso cu sta poesia: vulevo fa na cosa degna ‘e nota e invece, niente, pure chesta vota sti verze so’ na meza…fetenzia.
ANTONIO DEL DEO
Da OMBRE D’’A SERA Edizione RIBALTA- Napoli- 1982
|
Antonio Del Deo
Nato a Napoli nel 1925 morì, prematuramente, alla fine degli anni 80. Impiegato tecnico. Autore prolifico pubblicò alcuni libri di versi molto interessanti tra i quali: ‘O LIBBRO ‘E PINOCCHIO” e “OMBRE D’’A SERA” Da quest’ultimo che conservo con un’affettuosa dedica mi piace riportare:
|
|
|
|
