|
|
|
|
All'ombra del Vesuvio
Antonietta Pagliarulo rubrica a cura di Luciano Somma
|
|
LACREME SINCERE
Ma pecchè piglie sti ggatte? -aggio ditto a nu guaglione Ca ‘e strigneve cu ‘na fune E ‘e ‘nchiudeva ‘int’’o cartone…
“Signurì, a mme l’ha ditto Nu padrone ‘e circo equestro Pe’ c’’e ffa magnà a‘e liune. Che credite? P’ogne gatta Me dà sulo quacche llira: io, no, nun ‘o faciarrìa pecchè ‘o ssaccio ch’è peccato; ma è p’’a famma, p’’a miseria che m’aggio abbuscà ‘a jurnata.”
Io me l’aggio accarezzato… M’ha guardato spaventato…
Ma pecchè a sti guaglione ‘e chiammammo delinquente Quanno è l’ommo malamente Ch’arma ‘a mano d’’e ‘nnucente?
E penzano a sti brutture ‘o guardavo…ma a ‘ntrasatto S’ha pigliato ‘mbraccio ‘a gatta: ll’ha astrignuta forte forte. ‘A gattella ha fatto ‘e ffuse; dint’all’uocchie l’ha guardato… Forse l’avrà ringraziato! ‘O guaglione se n’è gghiuto Astrignenno chella cosa… Da luntano m’ha guardato… L’aggio visto ll’uocchie ‘nfuse.
ANTONIETTA PAGLIARULO
Da POETICA NAPOLETANA FINE NOVECENTO Ed.Ferraro Napoli 1987 |
Antonietta Pagliarulo
Nata a Napoli nel 1911 vi morì nel 1981 Sensibile poetessa da noi scoperta in una trasmissione radiofonica a RADIO PROGRESSO nel 1976, dove ci lesse in diretta uno dei suoi bei lavori, e da allora fino alla sua morte, avvenuta dopo appena un lustro, conducemmo con lei moltissimi programmi di poesia napoletana con Peppe Santagata e Leo Barone. Molta fortuna ebbe il suo libro ‘NCOPP’’E CICHE ‘E TULEDO che si avvalse dell’autorevolissima prefazione di Ottavio Nicolardi Mentre io curai la prefazione del suo “A CCORE ‘MMANE del 1979 |
|
|
|
