|
|
|
|
All'ombra del Vesuvio
Angelo Fadini
|
|
|
‘E BUCCIUOLE ‘E ROSED’’a scola magistrale a cciento a cciento Esceno ‘e studentesse, è nu mumento… E ‘a piazza s’arrevota ‘e giuventù. Cu ‘st’ammuina e cu’ stu movimento È bella assaje sta piazza d’’o Giesù.
E’ primmavera e sti vestite ‘e seta, asciute ‘a sotto ‘e mantesine scure pareno chelli carte trasparente ch’arravogliano ‘e sciure, pe’ nun ‘e ffà sciupà dall’aria e ‘o viento ma pe farle vedè.
…E ‘st’arruocchie gentile ‘e figliulelle ‘e rrose so buchè.
Fra tante ‘e llore nce staranno ‘e belle, ma ce staranno pure chelli brutte. Eppure j’ ‘e vveco belle proprio tutte. E saje pecchè?
Nun è overo ch’’a rosa è sempe bella; ‘nmiez’’e rrose quaccuna è sciupatela, tu ‘a vide ch’è sciapita e spampanata, ma si guarde ‘e bucciuole ‘e tutt’’e rrose… Allora è n’ata cosa!
Angelo Fadini
Da POETICA NAPOLETANA FINE NOVECENTO Ed.Ferraro- Napoli- 1987 |
Angelo FadiniNacque nel 1910 e fu docente universitario. Non ho altre notizie a lui riguardanti ma dai versi che seguono si può riscontrare un’ottima vena poetica.
NDR
|
|
|
|
