|
|
|
|
All'ombra del Vesuvio Alberto Canna |
|
|
‘AMMORE A MAGGIOTorna Maggio cu ‘addore d’’e rrose, torna n’aria sensosa a spirà, torna ‘o sciato d’’a vita ‘int’’e ccose… e vulessse pur’io risciatà!
Torna ‘ammore p’’e viche, p’’e strate, p’’e ciardine, p’’o mare, ‘int’’e ccase; dice ‘a ggente: Sperate! Campate! Chist’è ‘o tiempo d’’e rrose e d’’e vase.
Trase ‘o sole pe’ dint’’e ffeneste, va p’’e logge spannenno ‘o calore e accarezza sti sciure ‘int’’e tteste: sciure e sole so’ fatte p’ammore!
Ma l’ammore ch’io sento, ch’è doce, dint’a ll’aria, luntano a stu core, se sta zitto, nun tène ‘na voce… e me resta ll’addore ‘e nu sciore!
ALBERTO CANNACANNA |
Alberto Canna
Nato nel 1912 morto nel 1975. Molto scarse le notizie sia sulla vita che sulle opere. Molto significativa però la poesia che segue tratta da Poetica Napoletana di Fine Novecento.
|
|
|
|
