Arapo ll’uocchie, è già l’alba

‘into’’o lietto guardo ‘o soffitto

penzo ‘a vita che passa

sfuglianne ogne juonro

‘e paggine d’’o calannario e cu’ lloro

pure ‘e rughe d’’o tiempo che passa.

Ogne juorno  è n’ alba,

e spisso ‘o penziero mio

va a ‘e popolo d’’a terra addò nun ce sta

pace e diritti umani.

‘O munno corre ‘mbraccia a n’apocalisse

lusingammece (comme simme ottimiste)

che  dimani sarrà meglio, facenno vedè ‘e muscole

a pupulazione affamate, a nomme

d’’a giustizia e d’’a sicurezza.

E ‘o munno, oramaie senza memoria

Pecchè senza ideali, se lusinga che ‘a soluzione a tutt’’e

‘e male sarrà vencere nu nemico…

Però ancora penzo che l'unica vittoria

‘ncopp’a guerra e ll'odio, pozza essere ‘a pace.

Arapo ll’uocchie, è passata ‘a nuttata,

me stiracchio, e ancora nu poco sturdito

me so’ scetato

e pure si chistu penziero

è sola na goccia ‘int’’o mare

può darse ca fosse essa

a da’ nu significato a chesta esistenza

a’ parte d’’e juste.