Stammatìna na Canaria

s'è fermata for' ’a loggia

se appuiata 'ncòppa e’piante ’e rose

e ha accumminciato a cantà.

Nu canto accussi bello e fino

c’à nun aggio  putute fa ’a meno

'e arapì 'a fenesta pe' guardà.

Songo asciuto fora, ancora chino ’e suonno

e  senza paura

s'è avvicinata ’a mme muvenne ’a capuzzèlla

comme si vulesse dì: Bongiorno!

Comme sarà bello, aggio penzàto,

avè na Canaria comme amica

cantà e pazzià cu' essa tutt' ’a jurnata,

però io vulà nun saccio

e m’accuntento d''a vedè ogni tanto fora ’a loggia

ca me fa na serenata

P''a ringrazià d''a cumpagnìa

ci’aggio dato na mullechella

- m'ha guardato , l'ha pezzecàte na vota e po… l'ha lassata -

Và, và vola Canaria, ci’aggio ditto

tiene sta furtùna

và e dimàne tuorne ccà

a me cuntà

'e chello ca 'ncielo  s'è parlato

NAPOLETANO! Sono nato il 5 Agosto del 1974. Ho un grande amore per la  poesia e mi diletto a scrivere sia  in vernacolo che in lingua. Lavoro nel campo dell'editoria da molti anni. Sono presente in svariati siti letterari. Sono un grande appassionato della cultura napoletana. Non mi separerei mai dalla mia città.