| Partecipiamo |
 |
| Giovanni Ibello |
 |
 |
| 'O Ricordo |
|
'O mesale d''o veglione è spuorco 'e salsa, nun ce sta proprio niente a festeggià st’anema vacante 'int''e travaglie nun trova pace, nun ne sape ascì.
Nu core 'ngrato vasa a n'ata vocca ca rossa e chine 'e carne era d''a mìa scuccata 'nfacci'' o muro è 'a mezanotte nun sparo 'e botte, e viaggio 'e fantasia…
e penzo a quanno stevemo abbracciate sott’'e cuperte dint''a stanza mìa nun n’era 'o primmo 'e l’anno, né Natale e russo era sultanto 'o core mìo.
e pe' tramente attuorno è tutto allero mille culure danno invidia 'e stelle 'o mare se rilasse e s’acquieta 'a luna ca s’arraggia , chiagne sola.
e senza cchiù penziere chiamma a essa 'a Luna ca m'astregne e me cunzola e sciantosa, se guarda dint''o specchio 'a smiccio, e 'o dulore m’abbandona… |
| O'rrè e chesta città (S'IO FOSSE) |
|
Si io fosse d''o munno 'o cchiù forte
calciatore ebbene Sissignore, io venesse a jucà a Napule. Nun stesso chiene 'e sorde, comme ati jucature Ma addiventasse ampressa,'o rre 'e chesta città! 'A matina doce doce me scetasse a “marechiaro” chell’aria fresca 'e mare ca m’allisciasse l’uòcchie 'O sole p''a fenesta, cu crianza chianu chiano Me pigliasse 'ncopp''e spalle , pe' gli' 'nzieme a “faticà”. Passiggiasse po’ pe viche stritte sttritte e p’'e quartiere pe sentì 'ncopp a sta pelle quant’è grande sta passione; pe vedè chillu creaturo ca jucanno 'miez''a via cu l’ardenza 'e nu campione, veste pop a maglia mia! Si io fosse d''o munno 'o cchiù forte calciatore io 'o sapesse che ’o San Paolo, nun è sulo nu campo. Isso è Chiesa, Santuario…'o’Tempio 'e Maradona. 'O Pallone 'a chesti parte ci’avvicina a Gesù Cristo! ‘E dummeneche in trasferta io girasse pe' l’italia purtanno sempe ‘ncielo, fiero, 'o nomme 'e sta città! E si pure ce sta in giro quaccheduno ca t’offenne… Me càricasse 'npietto stu carreco 'e iastemme, e armannome d'orgoglio stesse sempe 'nzieme a tte! Ca Maglia Azzurra 'ncuollo, te difendo cu' passione 'nfunno 'nfunno e in primo luogo, nun ce stesse niente a fa; io fosse sempe Ogni Mumento: 'o rre 'e chesta città! |
| Giovanni Ibello |
|
Giovanni Ibello è un giovanissimo che studia Giurisprudenza alla Federico II dedicandosi alla lettura di saggi filosofici (soprattutto di Luciano De Crescenzo) e allo studio dei più grandi poeti italiani e francesi cercando di migliorare il suo bagaglio culturale. Con questa poesia è alla sua prima prova col napoletano. Scrive poesie per la difesa strenue della sua grande città, della cultura della Napoletanità, e per sopperire ad un bisogno interiore che lo rende un soggetto sui generis poco conforme alle logiche funzionali di questo mondo. |
| Scrivi a Luciano Somma Scrivi a Giovanni Ibello |
|
|