Passata l'afa e 'o calore d' 'a staggiona  dint' 'e ccantin' 'o mmusto è stato 'nghiuso,  'o cielo cagna faccia tutt' 'e juorne,  mo se fa grigio cupo e minacciuso.

E 'na signora c' 'a culata ha spaso,

se guarda attuorno e 'o cielo tenemente.

'e llasso fore? Oppure mo m' 'e ttrase!

ma po' è bastato sulo nu mumento.

'na nuvola 'nguttosa chiena chiena,

nu lampo l'ha scuartata eppur' 'o truono,  ll'è ghiuto justo 'mmiezo, l'ha 'ntrunata  l'ha raputa comm' a nu mellone.

L'acqua ha scagnat' 'a campagna attuorno  anfunnenno l'albere ca se so' 'nzeccute  'o sole 'nu spiraglio va cercanno  ma s'annasconne tutto dispiaciuto.

Pe' 'st'ummeto ca trase dint' a ll'osse  può' arresecà' d'avè' 'na malatia,  quacche starnuto, e quacche colp' 'e tosse  e subbeto se mett' 'a pecenia.

D' 'o grigio, 'o ccupo e l'aria minacciosa  C' avimma certamente arriguardà',  pecchè si 'int' 'a stagiona ce sta 'o sole,  a vvierno chisti tiempe l'anna fà'.

Mo chiove, chiove nun se stanca maje,

'e vvotte stanno sempe 'int' 'a cantina,  'o cielo cagna faccia tutt' 'e juorne,  pur' isso aspetta c'ammatur' 'o vino.

Mi chiamo Di Costanzo Maia Rosaria, nata a Bacoli il 20/1/48 sono madre di  sei figli e nonna di otto nipoti. Ho condotto un programma radiofonico per  cinque anni in una radio privata di Bacoli che mi permise di conoscere tanti  amici poeti.

Ho partecipato a molti concorsi di poesia, sia come concorrente,sia come  dicitrice in coppia con il mio carissimo amico Salvatore Calabrese.

Tanti anni fa mi ritirai dall'ambiente poetico per dedicarmi alla mia  numerosa famiglia senza mai perdere la passione per la poesia.

Ho scritto alcuni testi teatrali, entro l'anno nuovo verrà pubblicato il mio  libro sulla cultura popolare di Bacoli.

Dopo venticinque ho sentito telefonicamente Salvatore Calabrese ed ho  incontrato personalmente il grande Luciano Somma che saluto e ringrazio.