|
|
|
|
| Dimmi, dimmi, apuzza nica |
Li surci |
|
|
Dimmi, dimmi, apuzza nica Unni vai cussì matinu? Nun c'è cima chi arrussica Di lu munti a nui vicinu: Trema ancora, ancora luci La ruggiada 'ntra li prati, Dun'accura nun ti arruci L'ali d'oru dilicati!
'Ntra li virdi soi buttuni Stannu ancora stritti e chiusi Cu li testi a pinnuluni. Ma l'aluzza s'affatica! Ma tu voli e fai caminu! Dimmi, dimmi, apuzza nica, Unni vai cussì matinu? Cerchi meli? E s'iddu è chissu Chiudi l'ali e 'un ti straccari, Ti lu 'nsignu un locu fissu Unn'hai sempri chi sucari Lu canusci lu miu amuri, Nici mia di l'occhi beddi? 'Ntra ddi labbra c'è un sapuri, 'Na ducizza chi mai speddi 'Ntra lu labbru culuritu Di lu caru amatu beni C'è lu meli chiù squisitu... Suca, sucalu, ca veni. Ddà ci misi lu Piaciri Lu sò nidu 'ncilippatu Pri adiscari, pri rapiri Ogni cori dilicatu. A lu munnu 'un si pò dari Una sorti chiù felici, Chi vasari, chi sucari Li labbruzzi a la mia Nici. |
 |
Un surciteddu di testa sbintata avia pigghiatu la via di l`acitu e facìa `na vita scialacquata cu l`amiciuna di lu so partitu Lu ziu circau tirallu a bona strada, ma zappau all`acqua pirchì era attrivitu e di cchiù la saimi avia liccasta di taverni e di zàgati peritu. Finarmenti Mucidda fici luca, iddu grida: Ziu!-Ziu! cu dogghia interna, sò ziu pri la rammaricu si suca, poi dici: Lu to casu mi costerna, ma ora mi cerchi? chiaccu chi t`affuca! Scutta pi quannu isti a la taverna! |
|
|
||
|
|
||
|
Lu Surci e Lu Rizzu |
||
|
Lu Surci e Lu Rizzu |
Seguita lu stissu suggettu (seconda parte) | |
|
Facìa friddu, ed un surci ‘ngriddutizzu mentri sta tra la tana ‘ncrafucchiatu, senti a la porta lamintari un rizzu chi ci dumanna alloggiu, umiliatu:
“Jeu, dici, ‘un vogghiu lettu, né capizzu; mi contentu di un angulu, o di un latu. O mi mettu a li pedi ’mpizzu ‘mpizzu, basta chi sia da l’aria riparatu”.
Lu surci era bon cori, e spissu tocca A li bon cori agghiùttiri cutugna; su’ assai l’ingrati, chi scuva la ciocca!
Trasi lu rizzu, e tantu si cc’incugna Chi pri li spini lu surci tarocca, e dispiratu da la tana scugna:
e di cchiù lu rampugna l’usurpaturi, e jia gridannu ancora: “Cui punciri si senti nèscia fora”. |
|
Ma lu rizzu pagau la penitenza, pirchì lu Celu teni la valanza, e boni e mali azioni cumpenza cu l’estrema esattizza e vigilanza.
‘N omu, ch’avìa ddà ‘ncostu la dispenza, s’era addunatu di qualchi mancanza di lardu e caciu, e misu in avirtenza vitti lu surci fùiri in distanza.
L’aveva assicutatu, ma nun potti jùncirlu, chi pigghiatu avìa la tana, d’unni lu rizzu lu spustau la notti;
m’appena l’alba in orienti acchiana, va cu petri e quacina, e a quattru botti (cridennu dari a lu surci ‘mmattana)
attuppa, mura e ‘nchiana lu pirtusu chi ad iddu era nocivu, e fu lu rizzu sippillutu vivu.
Cirnennu ora lu crivu: paga d’ingratitudini la detta l’ingratu, e cui fa beni, beni aspetta. |
|
|
||
|
Il Sorcio e il Riccio. Faceva freddo, ed un sorcio intirizzito, mentre sta rannicchiato nella sua tana, sente alla porta lamentarsi un riccio che gli domanda alloggio, umiliato: “ Io, dice, non voglio letto, né capezzale; mi accontento di un angolo, o di una sponda, o mi metto dalla parte dei piedi in punta in punta, basta che sia riparato dall’aria”. Il sorcio aveva buon cuore, e spesso tocca a chi ha buon cuore inghiottire cotogne (bocconi amari); molti sono gli ingrati che la chioccia cova! Entra il riccio, e gli si accosta tanto che a causa delle spine il sorcio scoppia a piangere e disperato è scacciato dalla tana: e per di più l’usurpatore lo rampogna, e andava anche gridando: “ Chi si sente pungere, esca fuori”. |
||
|
Seguita lo stesso soggetto (seconda parte) Ma il riccio pagò la penitenza, perché il Cielo tiene la bilancia, e compensa le azioni buone e cattive con estrema esattezza e vigilanza. Un uomo, che aveva là accanto una dispensa, si era accorto di qualche mancanza di lardo e cacio, e messosi in osservazione vide fuggire il sorcio in distanza. L’aveva inseguito ma non poté raggiungerlo, poiché aveva pigliato la tana dalla quale il riccio lo aveva cacciato durante la notte; ma appena l’alba sale in oriente, va con pietre e calcina, e con quattro colpi (credendo di dare la morte al sorcio) tappa, mura ed appiana il pertugio che a lui era nocivo, ed il riccio fu sepolto vivo. Ora, vagliando col crivello: paga l’ingrato il debito dell’ingratitudine, e chi fa bene, bene aspetta. |
||
|
|
||
