|
 |
L'uocchie
'e na nammurata
allummano na via
quanno s'appicciano 'e sera
vedenno 'o nnammurato.
Traseno dinto 'o core
parlanno zittu zittu,
te contano a jurnata,
te scippano nu vaso.
Guardanno stu spettacolo
'e cerchi tutte 'e vote,
nun ne può fa cchiù a meno
te fanno ncannarì.
Ma quanno si sicuro
'e truvà 'e luce accese
t'accuorge 'e na surpresa
ca non te fa ciatà.
Mente tu nun ce stive,
pe n'ato se so allummate
chille uocchie 'e nammurata;
e vide l'oscurità.
Ma dinto a chillu buio
ca niente po schiarà,
cumparono doie puntini:
so l'uocchie 'e chella là. |