 |
Appena
tuorne 'a casa
'e cane zompano,
sbattono 'a coda
e t'alleccano.
T'acale, l'accarezze
e po' t' 'e vase.
T'hanno aspettato
na jurnata sana,
tenene ragione 'e festeggià.
'A veco tutte 'e juorne
chesta scena,
me da soddisfazione.
Dinto 'o core mio
so' comme 'e loro anch'io.
Nun te ne faccio accorgere,
pecché, chissà pecché,
quanno c'aggio pruvato
tu m'hai girato 'a faccia.
Je comme nu canillo
aggio capito tutto,
me songo rassignato.
Sto dinto a n'angulillo,
festeggio ncuorpo a me.
Aspetto chillo juorno
che me fai na carezza
e p' 'a felicità
pozzo pure murì. |