Se dice c'ogni posto tene 'n'anema

'na linfa ca le scorre 'int'’o turreno

'a forza 'e nu richiamo misterioso

c'ammalia cumm'’o canto 'e 'na sirena

Nu ffuoco ca te marchia quanno nasci

'na fiamma c'arde senza fa' rummore

'na cosa forte cumma 'na catena

ca t'arravoglia fino a ca nun muore

Se chiamma Genio ma nunn è cumm'’a fiaba

ccà nun mbruscine ‘a lampada e cumpare

ma s'annasconne, se 'mpregna dint'o core

nun si' padrone, ccà si tu 'o schiavo!