Partecipiamo.it

Ciro Borrelli

In arte: "Massenzio Caravita"

Dnt’ ‘e mumente buone ‘e malamente

comm’‘a n’ombra me siegue sempe

‘e penziere mieje sò ‘e tuoje...

e pe’ cchesto te voglio bene!

Tu d’‘a casa  sì ‘a riggina

sì ‘a patrona d’‘a cucina

maje niente faje mancà…

comm’‘a ‘na guappa te faje rispettà!

È pe’ cchesto te voglio bene!

Quanta buscje p’‘e figli  m’he ditto

me facive sempe fesso,

quanno te facevano ‘ncazzà...

‘o vvulive ‘a me: Tu sì ò pate

dalle nu pacchéro accussì se impara!

E po’cu na vucella piccerella

me dicive: Nun ‘o fà male,

nun te scurdà ca io sò ‘a mamma!

È  pecchesto te voglio bene!

Cchiù passa ‘o tiempo

E cchiù ‘stu bene aumenta…ma quanto?

‘Sta domanda  l’aggiù fatto ‘o core,

chillo subbeto se ne asciuto

cu quatte parole: Guagliò!…

tu sì troppo ‘nnammurato

e nun  saccio valutà pecchè

nun esistono ne pesi e ne mmesure

ll’ammore e o bene sò sentimente

ca nun ‘nvecchiano maje.