Partecipiamo.it

Ciro Borrelli

In arte: "Massenzio Caravita"

 ‘A mamma

‘A femmena, già è mamma

quann’‘o figlio ‘o concepisce,

e già penza chillu nomme

e chella panza cchiù s’allisce!

E chello ca vene...vene

a essa nun se ne ‘mporta,

o mascule ‘o femmene...

‘nzieme rischiano ‘a morte!

E mentre ‘a panza  cresce

tene mille e mille penziere,

pe’ chistu figlio che nasce

fà mille e mille preghiere!

E quanno vene ‘o mumento,

che cosa maravigliosa:

‘A mamma s’‘o tene mente

e se scorda ‘e tutto cosa!