Partecipiamo.it ... vai alla home page
Luciano Somma
Speranza ‘e Natale
 

‘O mmale ‘e nu munno ‘mpazzuto

me trase ‘int’’o core stasera

nu core ca cerca n’aiuto,

l'aiuto 'e na mano sincera…

Pe’ ll’aria nu suono ‘e zampogna

me porta ‘a nuvena ch’è doce

ma è spina ca ‘mpietto me pogna

sentenno pesante sta Croce.

Sole ‘e Natale puortece

‘o pizzo a rrisa ‘e Ddio

cu’’o verde  d’’a speranza

pace e serenità

dacce dint’’a sti juorne

carezze d’alba, ‘e cielo,

scacciala 'a nuje pe' sempe

tutta sta ‘nfamità!