| Partecipiamo: home page |
| Luciano Somma |
 |
| Piscatore |
| Clicca sul titolo per sentire la poesia recitata da Mencarini |
 |
‘A luce ‘e na lamparamiez’’o mare culora ‘argiento l’onne schiara ‘a prora ‘o piscatore tira ‘a rezza e pare ca sta natura canta e se cunzola.
Nuttata doce ca se porta ‘nzino tutto l’affanno ‘e na jurnata amara… na voce, n’ata voce, n’ata ancora, tira Tatò, che sta venenno, tira! ‘A vita, chesta vita, ‘e vvote avara, ‘e vvote ricca, ‘e vvote senza core, regala chesto pe’ se purtà fore ‘o carreco ‘e nu tummulo ‘e penziere.
Na nuvola scumpare, po’ accumpare, ‘a copp’’o cielo cchiù abbuffata e nera po’ chiove e ‘o viento se lamenta e cade ‘a pioggia, tutte lacreme d’’o cielo… ‘A luce ‘e na lampara miez’’o mare se stuta e ‘a varca lenta torna a rriva addò l’aspetta ‘o solito via vaje, mugliera, figlie, rezze ‘nfose, guaie… |
|
|